No Día Mundial da Poesía, nosoutras tamén navegar

Hoxe, 21 de marzo, no Día Mundial da Poesía, traemos aquí esta reivindicación de xustiza (tamén poética). Agasallóunola Xohana Torres en 1992 e xa forma parte do noso xeito de estar no mundo.

 

 

DECLARA O ORÁCULO:

“QUE á banda do solpor é mar de mortos,

incerta, última luz, non terás medo.

QUE ramos de loureiro erguen rapazas.

QUE cor malva se decide o acio.

QUE acades disas patrias a vindima.

QUE amaine o vento, beberás o viño.

QUE sereas sen voz a vela embaten.

QUE un sumario de xerfa polos cons.”

Así falou Penélope:

“Existe a maxia e pode ser de todos.

¿A que tanto novelo e tanta historia?

EU TAMÉN NAVEGAR.”