María Reimóndez

O pasado xoves tivemos o encontro literario con María Reimóndez. Falamos, e moito, sobre a súa obra Dende o conflito, sobre os personaxes, a boa descripción que María fai de cada un deles, e sobre todo das mulleres, de Saínza e de Aurora. Trasladámonos aos conflitos, a cada un dos que vivíu Saínza, os “externos” e aqueles que durmían no seu interior. Tamén as reporteiras de guerra estiveron con nós, Sofía Casanova, Marie Colvin, Lara Logan…, todas elas, algunhas descoñecidas para nós e que agora, grazas a María, ocuparán a noso repertorio de lecturas na espera. Nesa listaxe están xa outras das obras de María, fio conductor das historias tecidas en Dende o conflito.
Acompañou a María Mercedes Peón, como sorpresa da tarde, que axiña quedou integrada no grupo, e Manuela Vázquez, secretaria da ONG creada por María, Implicadas no desenvolvemento, quen nos falou sobre a campaña “Cambia de papel“, coa idea de achegala á nosa facultade.