Antía Yáñez e Senlleiras

© Concha Salgado

Antía Yáñez (Burela 1991) é enxeñeira de Camiños e escritora. Reside en Cecebre onde imparte aulas de escrita para xente nova. Formouse no relato curto, comezando cos certames locais da súa infancia. Xa adulta, gañou premios como o XI Certame de Microrrelatos “Lonxa Literaria” (2013), o de Relatos Curtos “Os Viadutos” (1º premio en 2014 e 2º premio en 2017), o XXVI Concurso Literario Xaime Illa Couto (2018) e o Certame Literario de Cambre (1º en 2016, 2º en 2017 e 1º en 2018), entre outros. Con obras autotraducidas ao castelán gañou o 1º premio do V Certamen de Relatos “Pablo de Olavide” de La Luisiana (Sevilla, 2016), o 1º premio do XIX Certamen de Poesía y Relato Corto “Dafne” de Oviedo (Asturias, 2016), o 2º premio no XXIV Certamen Literario “Mujerarte” de Lucena (Córdoba, 2016) e obtivo unha mención especial no XIII Concurso de Microrrelatos Mineros “Manuel Nevado Madrid” de Oviedo (Asturias, 2016).

misterio portomarinNo ano 2016 dá o paso á novela e publica coa editorial Galaxia O misterio de Portomarín, novela  xuvenil que vai xa pola súa quinta edición. En 2018 gaña o Premio Illa Nova de Galaxia con Senlleiras, o seu debut na novela para adultos, e o I Premio Fina Casalderrey de literatura infantil pola igualdade de Baía edicións, grazas ao cal ve publicado o seu primeiro álbum ilustrado, A reconquista. En 2019 publicará Be Water, novela greenpunk xuvenil, baixo o selo de Urco Editora.

Senlleiras é una novela que nos amosa moitas das violencias patriarcais ás que son sometidas as mulleres, coma onte, aínda que os hábitos socias muden, hoxe continúan. Dúas mulleres, Alda e Alana son maltratadas, en diferentes tempos, como tamén o foron e o son aquelas que cada día aparecen na prensa e tantas mulleres hoxe silenciadas.

Contén, como a súa anterior novela, una dose de misterio que nos aduce e nos leva a habitar o espazo das protagonistas na procura dunha resposta.

A novela conta cun grande traballo de documentación, xa que a autora realiza unha interesante análise de xornais do século XX (anos vinte) na procura de casos de violencia de xénero, moitos deles son incluídos na obra.

Fai tamén unha labor de recuperación de voces femininas dos anos vinte do século pasado, como é o caso de Corona González (Porriño 1882-1972), muller liberal, con conciencia social e feminista, filántropa e mecenas. Corona escribía en A Nosa Terra e na revista Céltiga e nos seus traballos está moi presente a denuncia das vexacións a que son sometidas as muleres e a reivindicación dunha educación para elas. Así escribía nun artigo titulado «Pros país que teñen fillas»:

É necesario insinarlle a traballar, pra ser independente, e facerlle comprender que non é necesario o casamento, nen ser monxa, pra ser feliz n’este mundo. Só pode adequerir a sua independencia por medio do traballo, e o día que as nosas mulleres podan gañar a vida independentemente, sin precisar de ninguén terán independencia de carauter, e poderán casarse, ou non, sin ter medo a quedar solteiras, pois non precisan de un que as manteña (A Nosa Terra, 1-4- 1927).

Sobre Corona González podedes ler máis no álbum de mulleres da web de Cultura galega

Sobre Senlleiras

Crítica de Ramón Nicolás no Caderno da crítica (15/9/2018)

Crítica de Xosé M. Eyré en Ferraduras (5/9/2018)

Recención en A palabra de Gatsby (20/7/2018)

Reseña de Manrique Fernández en O meu andel (29/9/2018)

Diario cultural (1/8/2018)

Entrevista de Montse Dopico en Praza pública (13/10/2018)

Entrevista de Daniel Salgado no Sermos Galiza (19/8/2018)consultable íntegra na Biblioteca (n. 309)

Entrevista que lle fai Ana Vigo (28/5/2018)

Advertisements

About nebedaclube

Clube de lectura e encontros literarios da Biblioteca da Facultade de Ciencias da Educación, da Universidade da Coruña.
Estas entrada foi publicada en Antía Yáñez, novela coas etiquetas , . Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s